Sipas RMC Sport, Paris Saint-Germain ka informuar italianin, Marco Verratti, sulmuesin brazilian Neymar dhe portugezin, Renato Sanches se nuk janë pjesë e projektit.

Kishte thashetheme për një largim të mundshëm kur Verratti dhe Neymar po stërviteshin veçmas nga pjesa tjetër e grupit, zyrtarisht për shkak të një virusi, transmeton Arbresh.info.

Megjithatë, tani burimet franceze këmbëngulin se trajneri Luis Enrique dhe drejtori Luis Campos u takuan me ta personalisht për të shpjeguar se nuk janë në planet e tyre dhe duhet të gjejnë veten një klub tjetër këtë verë.

Ata nuk janë të vetmit, pasi të informuar për përjashtimin e tyre janë edhe objektivi i transferimit të Romës, Renato Sanches, mbrojtësi Juan Bernat dhe qendërsulmuesi Hugo Ekitike.

Këta lojtarë u përjashtuan edhe nga dita mediatike e PSG-së, e cila i kushtohet realizimit të fotografive të tyre zyrtare për sezonin e ri.

Roma është e etur për të marrë Renato Sanches në huazim me një opsion për të blerë për 10 milionë euro në vend të një detyrimi, dhe kjo mund të jetë hapja e PSG-së ndaj kësaj mundësie./Arbresh.info/